प्रधानमन्त्री गिरिजाप्रसाद कोइरालालाई गेसोको खुलापत्र

तपाइँले हिजो नोभेम्बर २७, २००७ का दिन गोरखालीहरूको माग पुरा गर्नका लागि बेलायतस्थित नेपाली राजदूतलाई निर्देशन दिने भन्ने कुरा संचारमाध्यमबाट थाहा पाउँदा म आर्श्चर्यचकित भएँ । तपाइँकै मातहतमा रहेको परराष्ट्र मन्त्रालयले यस विषयमा औपचारिकरूपमा एक शब्द पनि लेख्ने साहस नगर्ने, तपाइँको मन्त्रिपरिषद्को बैठकमा कहिल्यै पनि गोरखालीहरूको मुद्दा छलफलको विषय हुन नसक्ने अनि संसद्मा माननीय डम्बर सम्बाहाम्फेले दर्ता गर्नु भएको सार्वजनिक महत्वको प्रस्तावमाथि पनि कुनै छलफल गर्न नदिने । तर घरी घरी गोरखालीहरूको माग पुरा गर्नका लागि राजदूतलाई निर्देशन दिन्छु भनेर के तपाइँले लाहुरेहरूलाई झुक्याउन खोज्नुभएको होइन त ?

तपाइँका आदेश र निर्देशनहरू अनि तपाइँले बोलेका शब्दहरू कहाँ कति बिक्छन् भन्ने कुरा के हामीलाई थाहा छैन र ? त्यसैले आउने दिनहरूमा यस्ता कुनै पनि किसिमका बकवासहरू नगर्नु हुन अनुरोध छ ।

गोरखाहरूको बारेमा तपाइँ, तपाइँको सरकार र पार्टीको के कस्तो दृष्टिकोण र हैसियत छ भन्ने कुरा के हामीलाई थाहा छैन र ? तर्सथ यस्ता सस्ता प्रचारबाजीका काम अब उप्रान्त झुक्किएर पनि नगर्नु हुन विनम्र अनुरोध छ ।