विशेष गरी एसियाली मुलुकमा परापूर्वकालदेखि प्रचलनमा रहेको दालचीनी स्वास्थ्यको लागि राम्रो ठहरिएको छ । एसियालीहरुले मसलाको रुपमा तथा आयूर्वेदीय औषधीको रुपमा प्रयोग गर्दै आए पनि यसको वैज्ञानिक अनुसन्धान भने अमेरिकाको ओहियोमा भएको छ । ओहियोको सेन्टर फर एप्लाइड हेल्थ साइन्सेजका अनुसन्धानकर्ताहरुले करिव २२ जना प्री डायवेटिक मोटोपनद्वारा ग्रस्त मानिसमाथि अनुसन्धान गरेका थिए । उनीहरुले यी माथि आधीलाई २५० ग्राम दालचीनी पानीमा भिजाएर खान दिए । बाँकी आधीलाई प्लेसवो दिए । नतिजा यस्तो आयोकि प्लेसवो लिनेभन्दा दालचीनी खानेहरुको सुगर लेभल काफी सामान्य थियो । अनुसन्धानका प्रमुख रिचर्ड एण्डरसनका अनुसार दालचीनीबाट तयार जुस खाने गर्नाले तौल र रगतमा ल्गुकोजको स्तर कम हुन्छ । साथै स्ट्रेस पनि यसले कम गर्छ ।
वैज्ञानिकहरुका अनुसार दालचीनीमा प्रसस्त मात्रामा एण्टी अक्सिडेण्टस रहेको हुन्छ, जसले मानिसलाई विमार हुनबाट बचाउँछ । यसले डायविटिज मात्र होइन मुटु सम्वन्धी रोग पनि कम गर्दछ । वैज्ञानिकका अनुसार दालचीनीको प्रयोगले मुटु तथा डायविटिज सम्वन्धी रोग २३ प्रतिशतसम्म कम गर्न सक्दछ ।
