इस्लामाबाद, अगस्ट २४/संयुक्त राष्ट्रसंघका एक उच्च अधिकारीले पाकिस्तानमा बाढीको क्षतिप्रति अन्तर्राष्ट्रिय समुदायको व्यवहारको कडा आलोचना गरेका छन् । बाढीको गम्भीर क्षतिपछि राहत सहयोगका लागि राष्ट्रसंघले पटकपटक अन्तर्राष्ट्रिय समुदायलाई आग्रह गर्दा पनि सहयोग उपलब्ध नहुँदा उनले आलोचना गरेका हुन् ।
संयुक्त राष्ट्रसंघीय वाल कोषका प्रमुख लुई जर्ज आर्सेनल्टले पाकिस्तानको क्षतिप्रति अन्तर्राष्ट्रिय समदायले बेवास्ता गरेकोभन्दै आलोचना गरेका हुन् । पाकिस्तानको मानवीय त्रासदीप्रति अरु राष्ट्रले मानवीय सहयोग नगरेको उनको टिप्पणी छ ।
सिन्ध प्रान्तमा भने बाढीले फेरि धक्का दिएको छ । सिन्ध प्रान्त तथा अरु केही प्रान्तका विभिन्न इलाकाका लाखौँ मानिसहरू अझै जीवन रक्षाको खोजीमा रहेका छन् । मनसुनी वर्षाको कारण पाकिस्तानमा आएको बाढीबाट तीन करोड मानिसहरू प्रभावित बनेका छन् भने १६ सयभन्दा बढिको मृत्यु भइसकेको छ ।
