काठमाडौं, मे ७ । एकीकृत नेकपा माओवादीको शान्तिपूर्ण आन्दोलनमाथि विभिन्न पक्षबाट सांघातिक हमला हुन थालेपछि नेपाल सरकारले आन्दोलनको प्रतिकार नगर्न सबैलाई आग्रह गरेको छ । आज बसेको मन्त्रीपरिषद बैठकले दलहरुबीच सहमति, सहकार्य आवश्यक रहेको ठहर गर्दै आन्दोलन दवाउने काममा अघि नबढ्न तथा शान्ति प्रक्रियालाई थप जटिल नपार्न सबैमा अनुरोध गरेको छ ।
वर्तमान आन्दोलनले दलहरुबीच छलफल र सहमतिलाई जोडदार माग गरेको र आन्दोलन शान्तिपूर्ण भएकाले त्यसमाथि हमला गरेर उत्तेजना नगर्न सबैमा अनुरोध गरेको बैठकमा सहभागि एक मन्त्रीले जानकारी दिनुभयो । मन्त्रीपरिषद बैठकका लागि आज प्रधानमन्त्री लगायत अन्य मन्त्रीहरु बिहानै सिंहदरवार प्रवेश गरेका थिए ।
