काठमाडौं, मे ६ । कम्युनिष्ट पार्टी माओवादीले थालेको देशव्यापी हड्ताल नाचगानसहित शान्तिपूर्ण रुपमा जारी छ । राजधानी काठमाडौंसहित मुख्य सहरहरु बिराटनगर, धरान, जनकपुर, बुटवल, धनगढी, दिपायल लगातका क्षेत्रमा बजारपसल तथा सवारीसाधनहरु चलेका छैनन् । सामान्य छिटफुट घटनाबाहेक पाचौ दिनसम्म आइपुग्दा उसको हड्ताल शान्तिपूर्ण नै भएको एकीकृत नेपाल मानवअधिकारकर्मी तथा पर्येवेक्षकहरुले जानकारी दिएका छन् ।
आज पाचौ दिनको हड्ताल सफल पार्न माओवादीका हजारौ कार्यकर्ताहरु सडकका चोक चोकमा छन् । गर्मी मौसम भएकाले बोत्तलमा पानी, हातमा झण्डा लिएर सडकमा नाचगानसहित उनीहरु तैनाथ छन् । कोही पत्रिका पढ्दै, कोही नाच्दै त कसैले राजनीतिक गफ गर्दै तथा रेडियो सुन्दै गरेको अवस्थामा आन्दोलनकारीहरुलाई चोक चोकमा देख्न सकिन्छ । आन्दोलनकारीहरुले हालसम्म हुनै पनि निषेधित क्षेत्र तोड्ने प्रयास गरेका छैनन् । हड्ताल अति संयम भएको भन्दै माओवादीले कार्यकर्ताहरुप्रति आभार जनाएको छ ।
