पेरिस/ भनिन्छ प्रेम कहिल्यै मर्दैन । यो कुराको थप प्रमाण फ्रान्समा एक महिलाले आफ्नो मृत प्रेमीसाग विवाह गरेर दिएकी छिन् । फ्रान्सका राष्ट्रपति निकोलस सारकोजीसँग अनुमति लिएर २६ वर्षकी मेगाली जेकीविक्जले आफ्नो प्रेमीको मृत्यू भएको एक वर्षपछि यो विवाह गरेकी हुन् ।
विवाहको लागि प्रेमी जोनाथनको एक ठूलो तस्वीर राखिएको थियो । जोनाथनको एक मोटर दुर्घटनामा मृत्यू भएको थियो । उनीहरुको बीचमा विवाहको तिथि तय भइसकेको थियो । जोनाथनले विवाहको तिथि भन्दा केवल २ दिन अघि दुर्घटनामा परेर ज्यान गुमाएका थिए ।
विवाहको औपचारिकता पुरा भएपछि मेगालीले आफ्ना नातेदारको उपस्थितिमा दुलाहको चिहानमा फूल चढाएकी थिइन् । फ्रान्समा मृत व्यक्तिका साथ विवाह गर्नको लागि कानुनले रोकेको छैन तर सम्वन्धित व्यक्तिले उसको प्रेमी या प्रेमिका मर्नुअघि विवाह गर्ने निर्णय गरेको प्रमाण दिन जरुरी हुन्छ । मेगाली र जोनाथन विगत ५ वर्षदेखि सँगै बस्दथे र उनीहरुको दुई बच्चा पनि थिए । त्यसैले मेगालीलाई यो विवाह गर्न इजाजत दिइएको थियो ।
